ඉන්දියාවට අයත් බවට සැළකෙන විශාල ප්රමාණයේ ටග් බෝට්ටුවක් (Tug Boats) මන්නාරම නඩුකුඩා වෙරළ තීරයට ගොඩගසා තිබෙනවා.
පොලිසිය පැවසූවේ වෙරළ සීමාවට ගොඩගසා තිබූ නැව නාවික හමුදා යාත්රාවක් මඟින් ඇදගෙන වෙරළට රැගෙන ආ බවයි.
නැව්වලට භාණ්ඩ පැටවීමට හා ජලය වැනි දෑ රැගෙන යාමට මෙම බෝට්ටු භාවිතා කෙරෙනවා.
මෙම ටග් යාත්රාව කිසිවෙකුත් නොමැතිව පාවී ඒමට විශේෂ හේතුවක් තිබය යුතු අතරම එහි සිටි අයට යම් කරදරයක් සිදුවී ඇත්දැයි යන්න පිළිබඳව නාවික හමුදාව විසින් සෝදිසි මෙහෙයුමක් ද ක්රියාත්මක කර තිබෙනවා.
මේ දිනවල ඉන්දීය සාගර කලාපයේ පැවති අධික සුළං තත්ත්වය මත අදාළ යාත්රාව සුළි කුණාටුවකට ලක්ව මෙරට මුහුදු සීමාවට ගොඩගසන්නට ඇති බවටයි සැක මතුවී ඇත්තේ.
අදාළ ටග් යාත්රාව සම්බන්ධයෙන් නාවික හමුදාව විසින් ඉන්දීය වෙරළාරක්ෂක නිලධාරීන් වෙත දැනුම් දී ඇති අතර එය තලෙයිමන්නාරම් පොලිසියේ අධික්ණය යටතේ නඩුකුඩා මුහුදු තීරයේ නැංගූරම් ලා තිබෙනවා.
සිද්ධිය සම්බන්ධයෙන් තලෙයිමන්නාරම පොලිසිය හා නාවික හමුදාව පරීක්ෂණ සිදු කරනවා.
