දේශීය ණය ප්‍රශස්ත කිරීමේ ක්‍රියාවලිය තවමත් අවසන් කර නොමැති බව වැඩබලන මුදල් අමාත්‍ය ශෙහාන් සේමසිංහ පවසනවා.
සිය නිල ට්විටර් ගිණුමට සටහනක් එක්කරමින් අමාත්‍යවරයා මේ බව සඳහන් කර තිබෙනවා.
එමෙන්ම බැංකු සහ මූල්‍ය ක්ෂේත්‍රයේ ස්ථාවරත්වය සහතික කිරීමට රජය පූර්ණ වශයෙන් කැපවී සිටින බවයි ඔහු පවසන්නේ.
ඒ, අනුව නිගමනයකින් තොරව සිදුකරන්නා වූ ප්‍රකාශ හේතුවෙන් සමපේක්ෂන වෙළඳපළ විශ්වාසය බිඳ වැටිය හැකි බවයි සදහන් කරන්නේ.
එමෙන්ම ණය ප්‍රතිව්‍යුහගත කිරීමේ ප්‍රයත්නයන් සම්බන්ධයෙන් ද්විපාර්ශ්වික ණයහිමියන් සමඟ සම්බන්ධ වීමේ ප්‍රගතියක් ලබා ඇති බවයි අමාත්‍යවරයා එහි වැඩිදුරටත් දක්වා ඇත්තේ.
ඒ, පිළිබඳ හිතකර එකඟතාවන්ට පැමිණීමට බලාපොරොත්තු වන බව ද වැඩබලන මුදල් අමාත්‍යවරයා පවසනවා.
