2004 වසරේ දෙසැම්බර් මාසයේදී ඇතිවූ සුනාමි ව්යසනය අවස්ථාවේ දී පැන ගිය මරණ දඬුවම නියම වූ සිරකරුවෙකු වසර 19කට පසු අත්අඩංගුවට ගෙන තිබෙනවා.
2001 වසරේ රාගම ප්රදේශයේ සිදුවූ පුද්ගල ඝාතනයක් සම්බන්ධයෙන් මෙම සැකකරු සහ ඔහුගේ සහෝදරයා අත්අඩංගුවට ගෙන තිබී ඇති බවයි පොලිසිය සඳහන් කළේ.
රක්ෂිත බන්ධනාගාර ගත කර සිටි ප්රධාන සැකකරු 2004 වසරේ සුනාමි ව්යසනයේදී මීගමුව බන්ධනාගාරයේ සිට වෙනත් බන්ධනාගාරයකට ප්රවාහනය කරමින් සිටියදී පැන ගොස් තිබෙනවා.
සැකකරු නොමැතිව මෙම නඩුව පවත්වාගෙන ගොස් 2012 වසරේ මැයි මාසයේදී සැකකරුගේ සොහොයුරා නිදහස් කර ඇති අතර, අතුරුදන් වූ සැකකරුට අධිකරණය මරණ දඬුවම නියම කළා.
මේ වන විට 54 හැවිරිදි වියේ පසුවන එම පුද්ගලයා ඊයේ (14) රාත්රියේ පොලිසිය විසින් අත්අඩංගුවට ගනු ලැබුවේ රාගම නගරයේදී යි.
සැකකරු අද වැලිසර මහේස්ත්රාත් අධිකරණයට ඉදිරිපත් කරන බවයි පොලිසිය සඳහන් කළේ.
