චීනයේ ශීඝ්රයෙන් වර්ධනය වන න්යෂ්ටික අවි ගබඩාව ගෝලීය සහ කලාපීය ස්ථාවරත්වයට දක්වන බලපෑම සම්බන්ධයෙන් G7 කණ්ඩායමේ රාජ්ය නායකයින්ගේ අවධානය යොමුව තිබෙනවා.
ඒ ජපානයේ හිරෝෂිමා නගරයේ න්යෂ්ටික නිරායුධකරණය පිළිබඳ සාකච්ඡාවලින් පසුවයි.
SIPRI චින්තන පර්ෂදය ඇස්තමේන්තු කරන්නේ චීනය සතුව න්යෂ්ටික යුද උපකරණ 350 ක පමණ තොගයක් ඇති බවටයි.
එක්සත් ජනපදය හා රුසියාව සමඟ සසඳන විට එය සුළු ප්රමාණයක් බව ඔවුන්ගේ අදහසයි.
පෙන්ටගනය ඉකුත් නොවැම්බර් මාසයේ ප්රකාශයට පත් කරන ලද ඇස්තමේන්තුවකට අනුව චීනයේ න්යෂ්ටික අවි අංශය වේගයෙන් වර්ධනය වන අතර 2035 වසර වන විට එරට එවැනි යුද උපකරණ 1,500ක් තිබිය හැකි බව දක්වා තිබුණා.
G7 නායකයින් අනතුරු ඇඟවූයේ විනිවිදභාවයකින් හෝ අර්ථවත් සංවාදයකින් තොරව න්යෂ්ටික අවි ගබඩාව ව්යාප්ත කිරීම ගෝලීය සහ කලාපීය ස්ථාවරත්වයට තර්ජනයක් ගෙන දෙන බවයි.
1964 දී සිදුකළ පළමු න්යෂ්ටික අත්හදා බැලීමේ සිට, චීනය සංසන්දනාත්මකව සෑහීමකට පත්විය හැකි අවි ගබඩාවක් පවත්වාගෙන ගිය අතර ඔවුන් සහතික වී තිබුණේ ගැටුමකදී න්යෂ්ටික අවි භාවිත කරන ප්රථමයා තමන් නොවන බවට වගබලා ගන්නා බවටයි.
නමුත් මෑත කාලීනව, ජනාධිපති ෂී ජින්පින් යටතේ, චීනය දැවැන්ත හමුදාවක් ආරම්භ කර තිබීම ලෝක නායකයින්ගේ නායකයින් ගේ අවධානයට යොමුව තිබෙනවා.
සතුරන් වැළැක්වීමට පමණක් නොව, වැළැක්වීම අසාර්ථක වුවහොත් ප්රතිප්රහාර එල්ල කිරීමට ද හැකි වන පරිදි ඔවුන් න්යෂ්ටික අවි වැඩිදියුණු කර ඇති බවටයි තොරතුරු වාර්තා වන්නේ.
අප්රේල් මාසයේදී, G7 කණ්ඩායමේ විදේශ ඇමතිවරු හමුවූ අවස්ථාවේදී ද චීනයේ න්යෂ්ටික ධාරිතාව ප්රසාරණය කිරීම සම්බන්ධයෙන් ඔවුන් අනතුරු ඇඟවීමක් සිදුකර තිබුණා.
එසේම ඔවුන් ඉල්ලා සිටියේ වොෂින්ටනය සමඟ උපායමාර්ගික අවදානම් අඩු කිරීමේ සාකච්ඡා සහ බීජිං වෙතින් වැඩි විනිවිදභාවයක් තිබිය යුතු බවටයි.
