සමගි ජන බලවේගයේ පාර්ලිමේන්තු මන්ත්‍රී පාඨලී චම්පික රණවක මහතා පවසන්නේ කොරෝනා එන්නත හරහා ආණ්ඩුව විශාල ජාවාරමක් සිදුකරමින් සිටින බවයි. තම ෆේස්බුක් පිටුවේ විශේෂ සටහනක් තබමින් සහ විශේෂ ප්‍රකාශයක් කරමින් ඒ මහතා මේ බව සදහන් කොට ඇත.
දැනට ඩොලර් දෙකක් පමණ වන (රු.400 ක්) ඇස්ට්‍රා සෙනෙකා එන්නත මෙන් හත් ගුණයක් පමණ මිල අධික වු සිනොෆාමා එන්නත මිලදී ගැනීමට ආණ්ඩුව ක්‍රියා කරමින් සිටින අතර සිනොෆාමා එන්නතට මෙතෙක් ලෝක සෞඛ්‍ය සංවිධානයේ අනුමැතිය ලැබී නොමැති බවයි ඔහු සදහන් කරන්නේ.
මෙම සිනොෆාමා එන්නත අනුමත කිරීමට ඖෂධ නියාමන අධිකාරිය ප්‍රතික්ෂේප කිරීම නිසා කීර්තිධර විශේෂඥ වෛද්‍ය පාලිත අබේකෝන් මහතා ඇතුළු පිරිසක් එයින් ඉවත් කර ඇත්තේ ජනාධිපති නියෝගයක් මත බවද සදහන් කරයි. මේ සදහා ධම්මික පැණිය කරලියට ගෙනා සිසිර සිරිබද්ධන පත්කර ඇති බව ද වාර්තා වේ.
මුහුණු ආවරණයෙන්, වෛරස් නාශක දියරයෙන්, PCR හා ඇන්ටිජන් කට්ටල මඟින් මෙන්ම නිරෝධායනයෙන්ද ප්‍රකෝටි ගණන් ගසා කෑ ආණ්ඩුව, කෝවිඩ් එන්නතින්ද ගසාකෑමට යන බව ඔහු පවසයි මෙම සිනොෆාමා එන්නත බ්‍රසීලයේදී අසාර්ථක වූ එන්නතකි.
කොරෝනා එන්නත් ජාවාරමක් කරගැනීමේ සූදානමක් පිලිබද මීට ඉහතදී ඒ මහතා විසින් සිදු කරනු ලැබූ අනාවරණයක් පහතින්
