වැල්ලම්පිටිය සේදවත්ත ප්‍රදේශයේදී මිනිස් පරිභෝජනයට නුසුදුසු සහල් ගබඩා කළ මහා පරිමාණ සහල් ගබඩාවක් මහජන සෞඛ්‍ය පරීක්ෂකවරුන් විසින් වටලා තිබෙනවා.
ගොතටුව මහජන සෞඛ්‍ය පරීක්ෂක නිලධාරී කාර්යාලයට ලැබුණු පැමිණිල්ලක් අනුවයි මෙම වැටලීම සිදුකර ඇත්තේ.
මෙම ස්ථානයේ ගබඩා කර ඇති සහල් අතර මිනිස් පරිභෝජනයට නුසුදුසු සහල් කිලෝ දස ලක්ෂ අසූ දහසක් පමණ තිබෙන බව සඳහන්.
විදෙස් රටකින් ගෙනෙන ලද මෙම සහල් තොගය සෞඛ්‍ය ආරක්ෂිත නොවන ආකාරයට ගබඩා කර ඇති අතර එහි කෘමි සතුන්, ගුල්ලන්, පණුවන් වැනි සතුන් සිටින බව මහජන සෞඛ්‍ය පරීක්ෂකවරුන් සඳහන් කළා.
මෙම සහල් පරීක්ෂාකර අධිකරණ ක්‍රියාමාර්ග ගැනීමට නියමිතයි.
