ඉන්දීය ඉංජිනේරු තාක්ෂණයේ නව පිටුවක් පෙරළමින් ලොව උසම දුම්රිය පාලම විවෘත කිරීම සඳහා දැන් සියල්ල සුදානම් බව ඉන්දීය දුම්රිය ප්රවාහන කටයුතු බාර අමාත්යවරයා අද ප්රකාශ කල බව විදෙස් මාධ්ය වාර්තා කර තිබෙනවා.
නමුත් මෙය ගමනාගමන කටයුතු සඳහා විවෘත කෙරෙන නිශ්චිත දිනයක් මෙතෙක් ප්රකාශයට පත්කර නැති බවයි වාර්තා වෙන්නේ.
නායයෑම්,ඝන හිමපතනය,ජලගැලීම් සහ ගස් කඩ වැටීම් වැනි ප්රවාහනයට සිදුවන බාධා මෙම පාලම විවර කිරීමත් සමග මගහැරෙනු ඇති බව මෙහි ඉදිකිරීම් බාර ඉංජිනේරු සමාගම ප්රකාශ කර තිබෙනවා.
ඕනෑම කාලගුණයකට ඔරොත්තු දෙන අයුරින් සකස් කිරීමට යන මෙය ප්රංශයේ ඊෆල් කුළුනටත් වඩා උස වන අතර මෙම පාලමේ උස ඊට පහලින් ගලායන චෙනබ් ගඟ පත්ලේ සිට මීටර් 359 ක් එනම් අඩි 1177 ක් හා එහි දිග මීටර් 1315 ක් එනම් අඩි 4314 ක් වනවා.
ඉන්දීය පාලනය යටතේ පවතින කාශ්මීරයේ ස්රීනගර් දිස්ත්රික්කයේ සිට ඉන්දීය අගනුවර දක්වා යා කෙරෙන මෙම පාලමේ ඉදිකිරීම් කටයුතු අරම්භ කෙරුනේ 1999 වසරේදී වන අතර මෙය නිම කිරීම සඳහා වැයවී ඇති මුළු මුදල ඩොලර් මිලියන 168 ක් වන හා භාවිත කර ඇති යකඩ ප්රමාණය ටොන් 28,000ක් වෙන බවයි වාර්තා වන්නේ.
ඉන්දීය දුම්රිය මාර්ග ඉදිකිරීම් ඉතිහාසයේ දුම්රිය දෙපාර්තුමේන්තුව ක්රියාවට නැගු අභියෝගාත්මක ඉදිකිරීම් කාර්ය මෙය බවයි වාර්තා වන්නේ.
