ශ්රී ලංකාවේ ප්රදේශ කිහිපයකින් අද සුළු කම්පනයක් වාර්තා වූ බවට වාර්තා වනවා.
කළුතර, බේරුවල, පානදුර ප්රදේශ ආශ්රිතව මෙම කම්පන තත්ත්වය දැනී ඇති බව සඳහන්.
අද දහවල් 1ට පමණ බේරුවලට ඔබ්බෙන් වූ මුහුදේ භුමිකම්පාවක් සිදුව ඇති බවයි සුනාමි පුර්ව අනතුරු ඇඟවීමේ මධ්යස්ථානය නිවේදනය කර ඇත්තේ.
කෙසේ වෙතත් මෙම කම්පනයෙන් කිසිදු අවදානමක් නොමැති අතර ජනතාව අනවශ්ය බියක් ඇති කර නොගත යුතු බව සුනාමි පුර්ව අනතුරු ඇඟවීමේ මධ්යස්ථානය දැනුම් දී තිබෙනවා.
ආපදා කළමනාකරණ මධ්යස්ථානයේ සහකාර අධ්යක්ෂක ප්රදීප් කොඩිප්පිලි පැවසුවේ තත්පර 30ක පමණ කාලයක් මෙම කම්පන තත්ත්වය හටගෙන ඇති අතර ඉන් කිසිවෙකුටත් අනතුරක් සිදු වී නොමැති බවයි.
