අමෙරිකා එක්සත් ජනපද අහසට යොමු කෙරුණු චීනයේ ඔත්තු බැලූනයට අදාළ සිදුවීම චීනයේ යුද සූදානමේ සංඥාවක් විය හැකි බවට මත පළ වී තිබෙනවා.
එම බැලූනය ලොව වඩාත්ම දියුණු ප්‍රහාරක ජෙට් යානා සතු තාපය සෙවීමේ මිසයිලයක් මගින් ප්‍රචණ්ඩකාරී ලෙස ඉවත් කිරීමටයි අමෙරිකාව පියවර ගෙන තිබුණේ.
මෙම බැලූනයට කඩිනමින් වෙඩි නොතැබීම පිළිබඳ එක්සත් ජනපදයේ ඇතැම් රිපබ්ලිකන් නායකයින් ජනාධිපති ජෝ බයිඩන්ට චෝදනා එල්ල කර තිබුණේ අමතර දේශපාලන ලකුණු ලබා ගැනීමට උත්සාහ කරමින්.
කෙසේවෙතත් මෙවැනි මෙහෙයුම් පූර්ව වශයෙන් හඳුනා නොගැනීම සම්බන්ධයෙන් සහ කලින් පැවති රිපබ්ලිකන් පාලනයේ නොහැකියාව ගැන අමෙරිකානු ජාතික ආරක්‍ෂක උපදේශක ජේක් සුලිවන් ඉඟි පළ කර තිබුණා.
චීන බැලූනය ඉවත් කිරීම සඳහා අමෙරිකානුවන් යොදාගෙන තිබුණේ නවීනතම මිසයිලයක්.
මේ අතර, චීන නිලධාරීන් දිගින් දිගටම අවධාරණය කරන්නේ, සිවිල් කාලගුණ විද්‍යා බැලූනයක් බව දන්වා තිබියදී බැලූනය විනාශ කිරීමෙන් වොෂින්ටනය අනවශ්‍ය ප්‍රතික්‍රියාවක් සිදු කළ බවයි.
එම බැලූනය තනිව ගත් කළ එක්සත් ජනපද ජාතික ආරක්ෂාවට පැහැදිලි සහ වර්තමාන අනතුරක් නොවුණද, මොන්ටානාහි මැල්ස්ට්‍රෝම් ගුවන් හමුදා කඳවුර වැනි සංවේදී ඇමරිකානු මිලිටරි ස්ථාපනයන්ට එය බලපෑමක් වීමේ අවදානමක් පවතිනවා.
විචාරකයන් පවසන්නේ එය ඇත්ත වශයෙන්ම අනාගත යුද්ධයක් සඳහා සූදානම් වීමේ බීජිනයේ අභිප්‍රායේ සංඥාවක් ලෙස පවා සැලකිය හැකි බවයි.
