පුරාවස්තු ලබා ගැනීමේ අරමුණින් කැණීම් සිදු කරමින් සිටි ස්වාමීන් වහන්සේලා දෙනමක් පොලිස් අත්අඩංගුවට ගෙන තිබෙනවා.
ඊයේ (10) දහවල් පේරාදෙණිය ගන්නෝරුව කන්ද ප්රදේශයේ පුරාවස්තු ලබා ගැනීමේ අරමුණින් කැණීම් සිදු කරන බවට පොලිසියට ලැබුණු තොරතුරකට අනුවයි වැටලීම සිදුකර ඇත්තේ.
මෙහිදී සැකකාර ස්වාමීන් වහන්සේලා දෙදෙනා කැණීම් සඳහා යොදාගත් උපකරණ සමගින් පොලිස් අත්අඩංගුවට ගනු ලැබුවා.
අවුරුදු 30 සහ 58 යන වයස්වල පසුවන සැකකාර හිමිවරුන් දෙපළ ගන්නොරුව ගල්ලෙන් විහාරයේ වැඩ වාසය කරන දෙදෙනෙක් බවටයි හෙළිවී ඇත්තේ.
උන්වහන්සේලා අද මහනුවර මහේස්ත්රාත් අධිකරණයට ඉදිරිපත් කිරීමට නියමිත අතර පේරාදෙණිය පොලිසිය වැඩිදුර විමර්ශන සිදු කරනු ලබනවා.
