නවසීලන්ත තරග සංචාරය වෙනුවෙන් ජ්‍යෙෂ්ඨයින් සහ නවකයින්ගෙන් සැඳුම්ලත් කණ්ඩායමක් තමන්ට ලැබීම සම්බන්ධයෙන් සතුටට පත්වන බව ශ්‍රී ලංකා ටෙස්ට් නායක දිමුත් කරුණාරත්න පවසනවා.
නවසීලන්ත බලා පිටත්ව යෑමට පෙර මාධ්‍ය වෙත අදහස් දක්වමින් දිමුත් කරුණාරත්න මේ බව සඳහන් කළා.
ලෝක ටෙස්ට් ලෝක ශුරතා තරගාවලියේ අවසන් මහා තරගයට පිවිසීමේ බලාපොරොත්තු ඇතිව නවසීලන්තය සමඟ පැවැත්වෙන ටෙස්ට් තරග දෙක ජයගැනීම තමන් ඇතුළු කණ්ඩායමේ අරමුණ බවයි දිමුත් එහිදී ප්‍රකාශ කර සිටියේ.
මේ අතර මේ දිනවල එංගලන්ත තරගාවලිය තුළ ප්‍රතිවාදී නවසීලන්ත කණ්ඩායම තරමක් පසුබෑමට ලක්ව ඇති බව සඳහන් කළ දිමුත් එමඟින් ද ශ්‍රී ලංකා කණ්ඩායමට යම් පන්නරයක් ගත හැකි බවයි පැවසුවේ.
එමෙන්ම තරගාවලියට පිටත්ව යෑමට පෙර රදැල්ල ක්‍රීඩාංගණයේ පැවැත් වූ පුහුණු සැසිය ප්‍රබල පිටුවහලක් වනු ඇති බවත් ඔහු මෙහිදී සඳහන් කර සිටියා.
නවසීලන්තය සමඟ තරග දෙකකින් සමන්විත ටෙස්ට් තරගාවලියට එක්වන ශ්‍රී ලංකා කණ්ඩායම අද (27) අලුයම දිවයිනෙන් පිටත්ව ගියා.
wpDiscuz
