ඊශ්රායලයේ සාත්තු සේවක ක්ෂේත්රයේ රැකියා අවස්ථා 2000 ක් මේ වසරේදී ශ්රී ලාංකික ශ්රමිකයින්ට ලබාදීමට ඊශ්රායල ජනගහන හා සංක්රමණික ආයතනය එකඟතාව පළකර තිබෙනවා.
එම ආයතනයේ අධ්යක්ෂ Shiely Raisin Sason,ඇතුළු දූත පිරිසක් කම්කරු හා විදේශ රැකියා අමාත්ය මනුෂ නානායක්කාර මහතා මුණ ගැසුණු අවස්ථාවේ මේ බව දැනුම් දී තිබෙනවා.
කම්කරු හා විදේශ රැකියා අමාත්යංශයේ පැවති මෙම හමුවේදී ඊශ්රායලයේ රෝගී සත්කාර සදහා වැඩි අවස්ථාවක් පවතින්නේ කාන්තාවන්ට බැවින් පුහුණුව ලබාදීමේදී කාන්තාවන්ට ප්රමුඛතාවය ලබාදෙන ලෙසටයි නියෝජිත කණ්ඩායම ඇමතිවරයාට දැනුම් දී තිබෙනවා.
සාත්තු සේවක රැකියා සදහා බදවා ගැනිමේදී එම සේවා සදහා අවශ්ය මූලික සුදුසුකම් සපුරා ඇත්ද යන්න,ඉංග්රීසි භාෂා ප්රවීණතාවය,වෘත්තීමය වශයෙන් ලබාගෙන ඇති පුහුණුව ආදී කරුණු පිළිබදව වැඩි අවධානයක් යොමු විය යුතු බව අදාළ නියෝජිතය කණ්ඩායම දැනුම් දී තිබෙනවා.
ශ්රී ලාංකික ශ්රමිකයින්ට සෑම වසරකම ඊශ්රායලය, රැකියා අවස්ථා අටදහසක් පමණ ලබාදීමට සූදානම් බවයි ඊශ්රායල නියෝජිත පිරිස වැඩි දුරටත් පවසා තිබෙන්නේ.
