ඉහළ යන දේශීය ඉල්ලුම සපුරාලීමේ ප්‍රයත්නයේ කොටසක් ලෙස, විදේශීය පතල් අත්පත් කර ගැනීමෙන් ලෝකයේ ඉහළම නිෂ්පාදකයින් කිහිප දෙනෙකුගෙන් තඹ සහ ලිතියම් වැනි ලෝහ සැපයුම් ලබා ගැනීමට ඉන්දියාව ක්‍රම ගවේෂණය කරමින් සිටින බව රජයේ ආරංචි මාර්ග පවසනවා.
එහි ආරම්භයක් ලෙස ඉන්දියාව විසින් ඛනිජ සම්පත් බහුල ආර්ජන්ටිනාවේ තඹ පතලක් සහ ලිතියම් පතල් දෙකක් දිගුකාලීන කල්බදු ලබා ගැනීමට හෝ මිලදී ගැනීමට හඳුනාගෙන ඇති බව ආරංචි මාර්ග පවසයි.
මෙම කාරණය පිළිබඳ සෘජු සම්බන්ධයක් ඇති අනන්‍යතාව හෙලි කිරීමට අකමැති වූ ඉහළ නිලධාරියෙක් උපුටා දක්වමින් ඉන්දීය මාධ්‍ය වාර්තා කලේ ආර්ජන්ටිනාවේ තඹ එ සහ ලිතියම් පතල් නිරීක්ෂණය සඳහා තාක්ෂණික අංශ විශේෂඥයින් කණ්ඩායමක් දැනටමත් එහි ගොස් ඇති බවයි.
“දැන්, අපි වාණිජ තක්සේරුව ආරම්භ කරන්නෙමු, ඒ සඳහා මාස කිහිපයක් පමණ ගතවනු ඇත.” අදාල නිලධාරියා තහවුරු කර තිබුණා.
විදේශීය ඛනිජ වත්කම් ගවේෂණය කිරීමේ එහි කොටසක් ලෙස, ඉන්දීය රජය විසින් කාබිල් සමාගම (KABIL) පිහිටුවා ඇති අතර එහි ඒකකයක් දැනටමත් ආර්ජන්ටිනාවේ ස්ථාපිත කර ඇති බවයි රජයේ ආරංචි මාර්ග පවසන්නේ.
ලිතියම් යනු විදුලි වාහන බැටරි සෑදීමට භාවිතා කරන වැදගත් අමුද්‍රව්‍යයකි.
කාබන්හරණ ඉලක්ක සපුරා ගැනීම සඳහා ඉන්දියාව විද්‍යුත් වාහන ප්‍රවර්ධනය කිරීමේ පුලුල් ව්‍යාපෘතියක් ආරම්භ කර තිබෙනවා.
S&P Global Mobility හි පුරෝකථනයකට අනුව ජපානය විස්ථාපනය කරමින් මගී සහ අනෙකුත් සැහැල්ලු වාහන සඳහා ලොව තුන්වන විශාලතම වෙළඳපොල බවට ඉන්දියාව පත් වනු ඇති.
මුළු තඹ අවශ්‍යතාවයෙන් 10-15% ක් පමණක් නිපදවන ඉන්දියාවේ තඹ පරිභෝජනය කැපීපෙනන ලෙස ඉහළ ගොස් තිබෙනවා.
2022 දී ඉන්දියාව ලෝකයේ වේගයෙන්ම වර්ධනය වන තඹ වෙළඳපොලක් බවට පත්වීමේ මාවතට පිවිස සිටියා.
