ඉන්දියාවේ ජ්‍යෙෂ්ඨ දේශපාලනඥයෙකු වන සුබ්‍රමනියන් ස්වාමි, මෙරට හිටපු ජනාධිපති ගෝඨාභය රාජපක්ෂ පසුගිය දා කොළඹදී හමුවී තිබෙනවා.
සුබ්‍රමනියන් ස්වාමි, හිටපු ජනාධිපතිවරයා හමු වූ අවස්ථාවට ඉන්දීය නීතීඥයින් සහ ව්‍යාපාරිකයින් පිරිසක් ද එක්ව සිටි බවයි වාර්තා වන්නේ.
භාරතීය ජනතා පක්ෂයේ දේශපාලනඥයා හෙට (30) දිනයේ දී අග්‍රාමාත්‍ය දිනේෂ් ගුණවර්ධන හමුවීමට නියමිත නව සඳහන්.
ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලය විසින් සංවිධානය කරන ලද 15 වැනි ජාත්‍යන්තර පර්යේෂණ සමුළුවට සහභාගී වීම සඳහා සුබ්‍රමනියන් ස්වාමි ශ්‍රී ලංකාවට පැමිණි අවස්ථවේ දී හිටපු ජනාධිපතිවරයා හමුව ඇති බවයි වාර්තා වන්නේ.
රාජපක්ෂ පවුලේ සමීපතමයෙකු ලෙස ප්‍රකට සුබ්‍රමනියන් ස්වාමි පසුගිය මැයි මාසයේදී ශ්‍රී ලංකාවේ ඇති වූ නොසන්සුන්තාව පිළිබඳව කළ ප්‍රකාශය සම්බන්ධයෙන් සමාජ මාධ්‍යවල දැඩි කතාබහට ද ලක්වූ අයෙක්.
