2024 වසරේ ජූලි මස 15 දින පැවති අමාත්ය මණ්ඩල රැස්වීමේ දී අනුමත කරන ලද ජල ගාස්තු සූත්රය අනුව ප්රධාන පිරිවැය සාධකවල ඇති වන වෙනස්කම් සැලකිල්ලට ගෙන ජල විකුණුම් ඒකක පිරිවැය අර්ධ වාර්ෂිකව සමාලෝචනය සිදු කරනු ලබනවා.
ඒ අනුව 2025 වර්ෂය සඳහා ජාතික ජල සම්පාදන හා ජලාපවහන මණ්ඩලයේ මූල්ය ප්රකාශය මතපදනම්ව සිදු කරන ලද විශ්ලේෂණය අනුව, වත්මන් ජල ගාස්තු මඟින් සම්පූර්ණ මෙහෙයුම් වියදම් ආවරණය කර ගැනීමට හැකියාව පවතින බව තහවුරු වී ඇති බව අමාත්ය විජිත හේරත් පවසනවා.
එබැවින්, 2026 වර්ෂයේ පළමු මාස 06 තුළ ජල විකුණුම් ඒකක පිරිවැය ඉහළ නැංවීමකින් තොරව පවත්වා ගෙන යාමට ජාතික ජල සම්පාදන හා ජලාපවහන මණ්ඩලයේ අධ්යක්ෂ මණ්ඩලය විසින් තීරණය කර තිබෙනවා.
ඒ අනුව, 2026 වර්ෂයේ පළමු මාස 06 තුළ වත්මන් ජල ගාස්තු සංශෝධනයකින් තොරව පවත්වා ගෙන යාම පිණිස නිවාස, ඉදිකිරීම් සහ ජල සම්පාදන අමාත්යතුමා විසින් ඉදිරිපත් කරන ලද යෝජනාව සඳහා අමාත්ය මණ්ඩලයේ එකඟතාව ලබා දී තිබෙනවා.
