ලෝක සෞඛ්ය සංවිධානයේ 79වන ලෝක සෞඛ්ය සමුළුව ඊයේ (18) ස්විට්සර්ලන්තයේ ජිනීවා හි පිහිටි ලෝක සෞඛ්ය සංවිධාන මුලස්ථානයේ දී ආරම්භ වුණා.
ලෝක සෞඛ්ය සංවිධානයේ අධ්යක්ෂ ජනරාල් Dr. Tedros Adhanom Ghebreyesus සමුළුව නිල වශයෙන් විවෘත කළ අතර සමාජික රටවල් 194ක සෞඛ්ය අමාත්යවරුන්, රාජ්ය තාන්ත්රික නිලධාරීන් ඇතුළු නියෝජිත පිරිසක් මෙම අවස්ථාවට සහභාගී වී සිටිනවා.
මෙවර සමුළුවේ තේමාව “One world for Health” යන්නයි.
මෙම තේමාව යටතේ ගෝලීය සෞඛ්ය අභියෝග, වසංගත සඳහා සුදානම සහ විශ්ව සෞඛ්ය ආවරණය පිළිබඳව සාකච්ඡා, වැඩමුළු, සැසි, දේශන ගණනාවක්ම පැවැත්වෙනවා.
ලෝක සෞඛ්ය සංවිධානයේ දකුණු සහ අග්නිදිග ආසියානු කලාපීය සමුළුවේ සභාපතිවරයා සහ ශ්රී ලංකාවේ සෞඛ්ය අමාත්යවරයා ලෙස වෛද්ය නලින්ද ජයතිස්ස මෙවර සමුළුව නියෝජන්ය කරනු ලබනවා.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස අද (19) 79වන ලෝක සෞඛ්ය සමුළුව අමතනු ලැබුවා.
සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ ඇතුළු සෞඛ්ය අමාත්යාංශයේ ඡේෂ්ඨ නිලධාරීන් පිරිසක් ද මෙවර සමුළුවට සහභාගී වී සිටිනවා.
