අයාලේ යන සුනඛ රංචුවක් විසින් පුද්ගලයෙකු ඝාතනය කළ පුවතක් ඉන්දියාවේ අලිගාර් මුස්ලිම් විශ්වවිද්‍යාල පිහිටි ප්‍රදේශයෙන් වාර්තා වනවා.
මෙලෙස ඝාතනයට ලක්ව ඇත්තේ 65 හැවිරිදි වියේ පසුවූ අයෙක් වන අතර, ඔහු ඊයේ (16) උදෑසන ව්‍යායාම සඳහා ඇවිදීමෙන් සිටිය දී මෙලෙස සුනඛ රංචුවේ ග්‍රහණයට ලක්ව ඇති බවයි විදෙස් මාධ්‍ය වාර්තා කළේ.
මෙම සිද්ධිය පිළිබඳව දැනගත් පසු පොලිස් කණ්‌ඩායමක්‌ එම ස්‌ථානයට කඩිනමින් පිටත්ව ගිය නමුත්, ඒ වන විටත් මියගිය පුද්ගලයා මියගොස්‌ සිටි බවයි පොලිස් අධිකාරි කුල්දීප් සිං ගුණවත් මාධ්‍යට සඳහන් කර සිටියේ.
මෘත දේහය පශ්චාත් මරණ පරීක්ෂණය සඳහා යොමු කර ඇති අතර, මෙම සිදුවීම අසල තිබූ සී.සී.ටී.වී. කැමරාවක සටහන්ව තිබුණා.
