බංග්ලාදේශ ක්රිකට් ක්රීඩක ශකීබ් අල් හසන් ශ්රී ලංකාව සමඟ පැවැත්වීමට නියමිත තරග දෙකකින් සමන්විත ටෙස්ට් තරගාවලියට එක්වීම ප්රතික්ෂේප කර ඇති බව බංග්ලාදේශ ක්රිකට් පාලක මණ්ඩලය පවසනවා.
මේ අතර ශකීබ්ව ශ්රී ලංකාව සමඟ පැවැත්වෙන විස්සයි විස්ස සහ එක්දින සංචිත සඳහා ද නම්කර නොමැති බවයි බංග්ලාදේශ ක්රිකට් මෙහෙයුම් සභාපති ජලාල් යූනුස් පැවසුවේ.
පසුගිය වසරේ ලෝක කුසලානයේ සිට ශකීබ් ඔහුගේ ඇසේ ආබාධයකින් පොරබදමින් සිටින අතර, ඒ හේතුවෙන් බංග්ලාදේශ ප්රිමියර් ලීග් තරගාවලියේ ආරම්භයේ දී ඔහුට දස්කම් දැක්වීමට හැකියාව ලැබුනේ නැහැ.
කෙසේ වෙතත්, ඔහු තරඟ 11ක දී සමස්ත ලකුණු 249ක් රැස්කර ගත්තා.
“ෂකීබ් ජාත්යන්තර ක්රිකට්වලට සහභාගී වීමට අවශ්ය නැති නිසා ශ්රී ලංකාවට එරෙහි සම්පූර්ණ තරඟාවලියෙන් විවේකයක් අවශ්ය වුණා. මම හිතන්නේ ඔහුගේ ඇස් මේ මොහොතේ හොඳින් ඇති නමුත් ඔහුට නැවත පැමිණීමට පෙර විවේකයක් අවශ්ය බවයි” යනුවෙන් බංග්ලාදේශ ක්රිකට් මෙහෙයුම් සභාපති පවසා සිටියා.
විස්සයි විස්ස ජාත්යන්තර තරග තුනක්, එක්දින තරග තුනක් සහ ටෙස්ට් තරග දෙකක් ඇතුළත් පූර්ණ තරග සංචාරයක් සඳහා එළඹෙන මාර්තු මාසයේ දී ශ්රී ලංකා කණ්ඩායම බංග්ලාදේශයේ සංචාරයකට එක් වෙනවා.
ශ්රී ලංකාවට එරෙහි තරගාවලිය මාර්තු 04 වනදා විස්සයි විස්ස තරගාවලියෙන් ආරම්භ වීමට නියමිතයි.
