විදේශ කටයුතු අමාත්ය මහාචාර්ය ජී.එල්. පීරිස් මහතා සහ චීන තානාපති චී චෙන්හොන්ග් මහතා අතර සාකච්ඡාවක් පවත්වා තිබෙනවා.
මෑතක දී පැවති මානව හිමිකම් කවුන්සිලයේ 49 වැනි සැසි වාරයේ දී චීන රජය දැක්වූ සහයෝගය මෙහිදී විදේශ කටයුතු අමාත්යවරයාගේ පැසසුමට ලක්වුණා.
ඉදිරියේදී ද සහය අවශ්ය වන අවස්ථාවලදී චීනය ශ්රී ලංකාවට සහය ලබා දෙනු ඇතැයි තමන් විශ්වාස කරන බවයි ඔහු කියාසිටියේ.
ශ්රී ලංකා – චීන නිදහස් වෙළඳ ගිවිසුම සම්බන්ධයෙන් මේ වන විට පවත්වන සාකච්ඡා පිළිබඳව ද මෙම හමුවේ දී අවධානය යොමු කෙරුණා.
ශ්රී ලංකාවේ අදාළ රේඛීය ආයතනවල සහය ඇතිව නිදහස් වෙළඳ ගිවිසුමේ 7 වැනි වටයේ සාකච්ඡා නුදුරේදීම ආරම්භ කරන බවද අමාත්ය ජී එල් පීරිස් මහතා මෙහිදී අවධාරණය කළේ.
ශ්රී ලංකාව සහ චීනය අතර යෝජිත නිදහස් වෙළඳ ගිවිසුම අවසන් කිරීම හරහා ශ්රී ලංකාවේ දේශීය වෙළඳපොළ සහ නිෂ්පාදන සඳහා බොහෝ ප්රයෝජන හිමිවනු ඇතැයි තානාපතිවරයා පෙන්වා දී තිබෙනවා.
