විදේශ රැකියා ලබාදෙන බවට පොරොන්දු වෙමින් විවිධ පුද්ගලයන්ගෙන් රුපියල් කෝටියකට ආසන්න මුදලක් වංචාව කිරීම සම්බන්ධයෙන් අඹුසැමි යුවළක් පොලිස් අත්අඩංගුවට ගෙන තිබෙනවා.
රඹුක්කන පොලිසියට මේ සම්බන්ධයෙන් ලැබුණු පැමිණිලි අනුව සිදුකළ විමර්ශනවලට අනුවයි සැකකාර යුවළ අත්අඩංගුවට ගෙන ඇත්තේ.
ඊයේ (13) රාත්රියේ කෑගල්ල ප්රදේශයේදී මෙම අඹුසැමි යුවළ අත්අඩංගුවට ගත් බවයි පොලිසිය සඳහන් කළේ.
ඊයේ දහවල් වන විටත් පොලිසියට කට්ටි පනිමින් සිටියදී මුදල් වංචාවට හසු වූ පිරිස විසින් මෙම යුවළ අල්ලා ගෙන පොලිසියට භාරදී ඇතැයි සඳහන්.
මෙම පුද්ගලයා සහ කාන්තාව 27 හැවිරිදි වියේ පසුවන අතර ඔවුන් රඹුක්කන ප්රදේශයේ පදිංචිකරුවන්.
සැකකරුවන් මීට පෙර ද ශ්රී ලංකාවේ ප්රදේශ කිහිපයක මෙවැනි මූල්ය වංචා සිදුකර ඇති බව විමර්ශනවලදී අනාවරණය වී තිබෙනවා.
සැකකරුවන් අත්අඩංගුවට ගැනීමෙන් අනතුරුව අඹුසැමි යුවළට එරෙහිව පුද්ගලයන් 46 දෙනෙකු පැමිණිලි කර ඇති බවයි පොලිසිය ප්රකාශ කළේ.
මෙම යුවළගේ වංචාවට ලක්වූ පුද්ගලයන් සිටී නම් ළඟම ඇති පොලිස් ස්ථානයට පැමිණිලි කරන ලෙස පොලිසිය දැනුම් දෙනවා.
සැකකාර යුවළ අද කෑගල්ල මහේස්ත්රාත් අධිකරණයට ඉදිරිපත් කරන බවයි පොලිසිය වැඩිදුරටත් සඳහන් කළේ.
