කහගොල්ල වතුයායේ ගෝනමොටාව මාර්ගයේ ඇති අධිබලැති විදුලි රැහැන් සහිත කණුවක් අසල පුද්ගලයකු මියගොස් තිබේ.
වයස අවුරුදු 63 ක් වූ කහගොල්ලවත්ත ප්රදේශයේ පදිංචිකරුවෙක් මෙලෙස මියගොස් තිබෙනවා .
මෙම පුද්ගලයා දීර්ඝ කාලයක සිට මානසික රෝගී තත්වයක් හේතුවෙන් ප්රතිකාර ලබමින් සිට ඇති අතර (17) වන දින නිවැසියන්ට නොදන්වා නිවසින් පිටව ගොස් ඇත .
මෘත ශරීරයේ විදුලිසැර වැදීම හේතුවෙන් ඇතිවූ පිලිස්සුම් තුවාල දක්නට ඇති අතර මෙම පුද්ගලයා අධිබලැති විදුලි රැහැන් කණුවට නැග විදුලි රුහැන් ඇල්ලීම හේතුවෙන් මෙම අනතුර සිදුව ඇති බවට පොලිසිය සැකකරයි .
මෘත දේහය දියතලාව රෝහලේ මෘත ශරීරාගාරයේ තැන්පත් කර ඇති අතර (19) වන අද දින පශ්චාත් මරණ පරීක්ෂණය සිදු කිරීමට නියමිතයි. සිද්ධිය සම්බන්ධව හපුතලේ පොලිසිය විමර්ශන සිදුකරනු ලබයි .