ආසියානු කුසලාන තරගාවලියේ ශ්රී ලංකාව සහ ඉන්දියාව අතර පැවැත්වෙන අවසන් මහා තරගයේ දී කාසිය වාසිය දිනා පළමුව පන්දුවට පහර දුන් ශ්රී ලංකා ක්රීඩකයින් සියලු දෙනා ලකුණු 50 කට දවාගන්නට ඉන්දීය ප්රබල පන්දු යැවීමේ බලඇණිය සමත් වුණා.
ඒ, අනුව එක්දින තරගයක කණ්ඩායමක් දැවී ගිය 10 වන අඩුම ලකුණු සංඛ්යාව ලෙසට ද ශ්රී ලංකා ඉනිම වාර්තා අතරට එක්වනවා.
මෙහිදී ශ්රී ලංකා ඉනිම සුණු විසුණු කළ වේග පන්දු යවන ක්රීඩක මොහොමඩ් සිරාජ් පන්දුවාර 07ක් තුළ ලකුණු 21කට කඩුලු 06ක් බිඳ දැමුවා.
ඊට අමතරව හර්දික් පාණ්ඩ්යා ශ්රී ලංකා ඉනිමේ කඩුලු 03ක් බිඳ දැමුවා.
ඒ, අනුව ශ්රී ලංකා ඉනිම පන්දුවාර 15යි පන්දු 02ක් තුළ ලකුණු 50කට සීමා වූ අතර, 2023 ආසියානු කුසලානය ජයග්රහණය වෙනුවෙන් ඉන්දීය පිළට ලකුණු 51ක ඉතා පහසු ඉලක්කයක් හිමිව තිබෙනවා.