මෙරට බලපත්රලාභී වානිජ බැංකු, බලපත්රලාභී මූල්ය සමාගම්, ලියාපදිංචි ලීසිං ආයතන විසින් මෝටර් රථ වාහන සඳහා මූල්ය පහසුකම් සැපයීමේ අනුපාතයන් සංශෝධනය කර තිබෙනවා.
ඊට අදාළ නව මාර්ගෝපදේශ ශ්රී ලංකා මහ බැංකුව විසින් ඊයේ (17) නිකුත් කරනු ලැබුවා.
2018 පෙබරවාරි 08 දින නිකුත් කරන ලද මාර්ගෝපදේශයන් යාවත්කාලීන කරමිනුයි ඊයේ (2025 ජූලි 17) දිනයේ නව මාර්ගෝපදේශයන් ප්රකාශයට පත්කර ඇත්තේ.
ශ්රී ලංකාව තුළ ලියාපදිංචි නොකළ වාහන සහ පළමු ලියාපදිංචියෙන් පසු වසරකට වඩා අඩු කාලයක් භාවිතයට ගෙන ඇති සියලු වාහන සඳහා මෙම නියමයන් බලපැවැත්වෙන බවයි මහ බැංකුව සඳහන් කළේ.
ඒ, අනුව 2018 මාර්ගෝපදේශයන් යටතේ ඉලෙක්ට්රික් කාණ්ඩය යටතේ වාහනයේ වටිනාකමින් 90% ක් දක්වා මූල්ය පහසුකම් ලබාගැනීමේ අවස්ථාව; වානිජ වාහන වෙනුවෙන් 80%ක්, මොටර් කාර්, SUV සහ වෑන් රථ සඳහා 60%ක්, ත්රීරෝදරථ සඳහා 50%ක් සහ වෙනත් වාහන සඳහා 70% ක් දක්වා මෙම නව මාර්ගෝපදේශ යටතේ අඩුකර තිබෙනවා.
අමතරව ඉලෙක්ට්රික් නොවන වානිජ වාහන සඳහා මෙතෙක් හිමිව තිබූ 90% ක මූල්ය පහසුකම් ලබාගැනීමේ අවස්ථාව 80%ක් දක්වා අඩුකර ඇති බව සඳහන්.
එමෙන්ම ඉලෙක්ට්රික් නොවන මොටර් කාර්, SUV සහ වෑන් රථ සඳහා තිබූ 50%ක ණය සීමාව 60%ක් දක්වා ඉහළ දමා තිබෙනවා.
ඉලෙක්ට්රික් නොවන ත්රීවීල් රථ සඳහා වටිනාකමින් 25% ක් දක්වා පමණක් මෙතෙක් මූල්ය පහසුකම් ලබාගැනීමට තිබුණු අවස්ථාව මෙම නව මාර්ගෝපදේශ යටතේ 50% ක් දක්වා ඉහළ දමා ඇති බවයි වාර්තා වුණේ.
එමෙන්ම හයිබ්රිඩ් කාර්, SUV සහ වෑන් රථ සඳහා 70%ක් දක්වා මූල්ය පහසුකම් ලබාගැනීමට මීට පෙර දී තිබූ අවස්ථාව ඉවත් කිරීමත් සමඟි 60% ක් දක්වා පහළට පැමිණ තිබෙනවා.
