වන අලි කළමනාකරණ රාජකාරි කටයුතු හා අනෙකුත් ක්ෂේත්ර රාජකාරි අවශ්යතා සඳහා යොදා ගැනීම පිණිස වනජිවී සංරක්ෂණ දෙපාර්තමේන්තුවට අයත් අඩවි ආරක්ෂක කාර්යාල සහ බීට්ටු කාර්යාල සඳහා අවශ්ය වාහන මිල දී ගැනීම පිණිස පසුගිය වසරේ අගෝස්තු මස 18 වැනිදා පැවති අමාත්ය මණ්ඩල රැස්වීමේදී අනුමැතිය ලබා දෙනු ලැබුවා.
ඒ අනුව ද්විත්ව කැබ් රථ 16ක්, තනි කැබ් රථ 84ක් සහ ට්රැක්ටර් 09 ක් මිල දී ගැනීමට අදාළ ප්රසම්පාදනයන් පිරිනැමීම පිණිස පසුගිය 04 වැනිදා පැවති අමාත්ය මණ්ඩල රැස්වීමේ අනුමැතිය ලබා දෙනු ලැබුවා.
එකී ප්රසම්පාදනයේ කොටසක් වශයෙන් යතුරු පැදි 181 මිල දී ගැනීම පිණිස ජාතික තරගකාරී ප්රසම්පාදන ක්රමවේදය අනුගමනය කරමි ලංසු කැඳවා ඇති අතර, ඒ සඳහා ලංසු 04ක් ලැබී තිබුණා.
එකී ලංසු ඇගයීමෙක අනතුරුව ඉහළ මට්ටමේ ප්රසම්පාදන කමිටුව විසින් ඉදිරිපත් කරනු ලැබ තිබෙනවා.
නිර්දේශ මත පදනම්ව, සාරානුකූලව ප්රතිචාරාත්මක අවම ලංසුකරු වන David Pieris Motor Company වෙත රුපියල් මිලියන 91.26 මුදලකට (බදු රහිත) අදාළ ප්රසම්පාදනය පිරි නැමීම පිණිස පරිසර අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
