ලොව ප්‍රසිද්ධ ටයිම්ස් සඟරාව සිදුකළ මත විමසීමකට අනුව 2023 වසරේ ලොව වඩාත්ම බලගතු පුද්ගලයින් 100 දෙනා අතර, ප්‍රමුඛස්ථානයට පත්වීමට ඉන්දීය සුපිරි නළු ෂාරුක් ඛාන්ට හැකිව තිබෙනවා.
ඡන්ද ලක්ෂ 12කින් 4%ක ප්‍රතිශතයක් මෙහිදී ෂාරුක්ට හිමිව ඇති බවයි වාර්තා වන්නේ.
ඉරානයේ අයිතීන් ඉල්ලා උද්ඝෝෂණ කරන කාන්තාවන් මෙහි දෙවැනි තැනට පත්ව ඇති අතර, ඔවුන් ලබාගත් ඡන්ද සංඛ්‍යාව 3%ක්.
2020 සිට කොවිඩ් වසංගතයේ ඉදිරි පෙළේ සිටින සෞඛ්‍ය සේවකයින් 2% ඡන්ද ලබා ගනිමින් මෙහි තුන්වන ස්ථානයට පත්ව තිබෙනවා.
හැරී කුමරු සහ මේගන් මාකල් 1.9% බැගින් ඡන්ද ලබා ගනිමින් සිව්වැනි ස්ථානයට පත් වූ අතර, ලොව වඩාත්ම බලගතු පුද්ගලයින් අතර පස්වන ස්ථානය හිමිව ඇත්තේ පාපන්දු ලෝක ශූරයින් වූ ආර්ජන්ටිනා කණ්ඩායමේ නායක ලියොනල් මෙසී වීම විශේෂත්වයක්.
