ලක්ෂ විසි හයකට ආසන්න වටිනාකමකින් යුතු කේරළ ගංජා තොගයක් සන්තකයේ තබාගෙන ප්රවාහනය කිරිමට සූදානම් කරමින් සිටි කාන්තාවක් පොලිස් විශේෂ කාර්ය බලකාය නිලධාරීන්ගේ අත්අඩංගුවට පත්ව තිබෙනවා.
මන්නාරම පොලිස් වසමේ ශාන්තිපුරම් ප්රදේශයේ දී ඊයේ (18) සිදුකළ වැටලීමකදීයි අදාල කාන්තාව අත්අඩංගුවට ගෙන ඇත්තේ.
මෙම වැටලීමේ දී සොයාගත් කේරළ ගංජා ප්රමාණය කිලෝ ග්රෑම් 24ක් බවයි විශේෂ කාර්ය බලකාය සඳහන් කළේ.
අත්අඩංගුවට ගැනුණු වයස අවුරුදු 35ක කාන්තාවක් වැඩිදුර විමර්ශන කටයුතු සඳහා මන්නාරම පොලිස් ස්ථානය වෙත භාර දී තිබෙනවා.
