උත්සව සමයේ වතු කම්කරුවන්ට වැඩි මිලට අලෙවි කිරිම සදහා සගවා තිබූ රජයේ අනුමත මත්පැප් බෝතල් 120ක් සමග සැකකරුවෙක් තලවකැලේ පොලිසිය විසින් අත්අඩංගුවට ගෙන තිබෙනවා.
උත්සව සමයේ මත්පැන් සල් වසා දමා තිබීම හේතුවෙන් සැකකරු ඔහු පදිංචි තලවකැලේ හොලිරූඩ් වතුයායේ ඔහු පදිංචි නිවසට අසන්නයේ වසා දමා ඇති තවත් වතු නිවසක මත්පැන් බෝතල් තොගයක් සගවා ගෙන තිබෙනවා.
මේ සම්බන්ධයෙන් ලද තොරතුරක් මත වැටලීමක් සිදුකර සැකකරු සහ මත්පැන් තොගය අත්අඩංගුවට ගත් බවයි පොලිසිය සඳහන් කළේ.
අත්අඩංගුවට ගත් මත්පැන් තොගයේ වටිනකම රු.ලක්ෂ 04කට අධික බවයි වාර්තා වන්නේ.
