මෙරට රැඳී සිටිමින් පරිගණක අපරාධ (Cyber Crimes) ඇතුළු විවිධ අපරාධවලට සම්බන්ධ වී සිටි චීන ජාතිකයන් 85 දෙනෙකු, මෙරට ආරක්ෂක අංශ විසින් අත්අඩංගුවට ගෙන, අධිකරණ ක්රියාමාර්ගවලින් අනතුරුව, බන්ධනාගාර ගත කර සිටියදී අද (20) දින අලුයම ශ්රී ලන්කන් ගුවන් සේවයේ විශේෂ ගුවන් යානයකින් පිටුවහල් කළ බව කටුනායක ගුවන් තොටුපොළ කාර්යය භාර නිලධාරීවරයා පැවසුවා.
දසත ගුවන්තොටුපොළ වාර්තාකරු පැවසුවේ, මෙම චීන ජාතිකයන් පිරිස මෙරට අධිකරණය මගින් වැරදිකරුවන් කිරීමෙන් අනතුරුව බන්ධනාගාර ගත කර සිටි බවයි.
පසුව ඔවුන් පිටුවහල් කිරීමේ තීරණය මත වැලිසර පිහිටි ආගමන විගමන දෙපාර්තමේන්තු රැඳවුම් මධ්යස්ථානය වෙත මාරු කර එවා තිබුණා.
බස් රථ 05 ක පටවාගත් මෙම චීන ජාතිකයන් පිරිස කටුනායක ගුවන් තොටුපොළ වෙත රැගෙන විත් තිබූ අතර, ඔවුන් දැඩි ආරක්ෂාව යටතේ ගුවන් යානය වෙත ඇතුළු කර තිබුණා.
මෙම චීන ජාතිකයන් පිරිස සමග මෙරට පොලිස් නිලධාරීන් 85 දෙනෙකු ඇතුළු ආගමන විගමන දෙපාර්තමේන්තු නිලධාරීන්, ශ්රී ලන්කන් ගුවන් සේවා ආරක්ෂක නිලධාරීන් 172 ගුවන් යානයේ ගමන් ගත් බව කටුනායක ගුවන් තොටුපොළ කාර්යය භාර නිලධාරීවරයා වැඩිදුරටත් සඳහන් කළා.
ශ්රී ලන්කන් ගුවන් සේවයේ යූ.එල්.- 880 දරන විශේෂ ගුවන් යානය අද අලුයම 01.20 ට කටුනායක ගුවන් තොටුපොළෙන් චීනයේ ග්වැන්ෂෝ බලා පිටත්ව ගොස් තිබූ බව ගුවන් තොටුපොළ කාර්යය භාර නිලධාරීවරයා සනාථ කළා.
Were good