රජයේ දෙපාර්තමේන්තු දෙකක් වසා දැමීමට අදාළ ගැසට් නිවේදනය මුදල් ආර්ථික ස්ථායිකරණ සහ ජාතික ප්රතිපත්ති අමාත්යාංශය විසින් නිකුත්කර තිබෙනවා.
මෙලෙස වසා දමා ඇත්තේ විදුලි සංදේශ දෙපාර්තමේන්තුව සහ අභ්යන්තර වෙළෙඳ දෙපාර්තමේන්තුවයි.
එම ගැසට් නිවේදනයේ දැක්වෙන්නේ පාරිභෝගික ආරක්ෂණ පනතේ විධිවිධාන යටතේ පිහිටුවන ලද පාරිභෝගික කටයුතු අධිකාරිය පිහිටුවීමත් සමඟ අභ්යන්තර වෙළෙඳ දෙපාර්තමේන්තුව අවලංගු කරන බවයි.
එමෙන්ම සංස්ථාවක් බවට පරිවර්තනය කර ඒ පිළිබඳව 1990 පෙබරවාරි මස 06 වනදා ගැසට් නිවේදනයක් මගින් නිවේදනය කරන ලද විදුලි සංදේශ දෙපාර්තමේන්තුව මෙලෙස ඈවර කර වසා දමා ඇති බව සඳහන්.
