යාල වනෝද්‍යානයේ මෙහෙයුමක් ගිනිඅවියක් සහ ලක්ෂ ගණනක් වටිනා ගංජා සමග සැකකරුවන් අත්අඩංගුවට

යාල වනෝද්‍යානයේ ගල්ගේ පිවිසුම් වනජීවි කාර්යාලයේ නිලධාරීන් පිරිසක් විසින් යාල ජාතික වනොද්‍යානයේ කලාප අංක තුන ප්‍රදේශයේ සිදු කළ වැටලීමකදී මෙරට නිෂ්පාදිත ගිනිඅවියක් සහ අක්කරයක පමණ භූමි ප්‍රදේශයක ඉතාමත්ම සරුවට වගා කර තිබූ ගංජා හේනක් සමග සැකකරුවන් දෙදෙනකු අත්අඩංගුවට තිබේ.

එම ගංජා හේනේ ඉතාමත්ම සරුවට වගා කර තිබූ ගංජා ගස් දාහතර දහසක් පමණ තිබී ඇති අතර ඒවායේ වටිනාකම රුපියල් ලක්ෂ ගනනක් බව වනජීවි නිලධාරීන් පවසයි.

වැටලීමේ දී අත්අඩංගුවට ගත් සැකකරුවන් තිස්සමහාරාමය මහේස්ත්‍රාත් අධිකරණයට ඉදිරිපත් කිරීමට නියමිතයි.

සියලුම ගංජා ගස් ගිනිතබා විනාශ කර ඇති අතර සිද්ධිය සම්බන්ධයෙන් ගල්ගේ වනජීවි කාර්යාලයේ නිලධාරීන් විසින් ඉදිරි විමර්ශන සිදු කරයි.