අභ්යවකාශ තාක්ෂණය සහ එහි භාවිතයන්, ආපදා කළමනා කරණය, සන්නිවේදනය, ආරක්ෂාව, පාරිසරික සුපරීක්ෂණය සහ ආර්ථික නවෝත්පාදනය වැනි තීරණාත්මක අංශ හරහා සැලකිය යුතු ප්රතිලාභ අත්කර දෙමින් ජාතික සංවර්ධනයේ අත්යවශ්ය සාධකයක් බවට මේ වන විට පත්ව ඇති බව අමාත්ය විජිත හේරත් පවසනවා.
අභ්යවකාශ තාක්ෂණයේ දිනෙන් දින වර්ධනය වන උපාය මාර්ගික වැදගත්කම සැලකිල්ලට ගෙන, ඒ සඳහා මෙරට තුළ ඒකාබද්ධ ජාතික රාමුවක් පැවතීමේ අවශ්යතාව හඳුනා ගෙන තිබෙනවා.
එබැවින්, විද්යා හා තාක්ෂණ අමාත්යාංශය විසින් ජාතික අභ්යවකාශ ප්රතිපත්තියක් සම්පාදනය කිරීමට සැලසුම් කර ඇති බවයි අමාත්ය විජිත හේරත් කැබිනට් තීරණ දැනුම්දීමේ මාධ්ය හමුවේ දී සඳහන් කළේ.
යෝජිත ප්රතිපත්තිය මඟින් ජාත්යන්තර සහයෝගිතාව විධිමත් කිරීම හා ඒ සඳහා පහසුකම් සැලසීම, ගෝලීය අභ්යවකාශ පාලන යාන්ත්රණයන් තුළ ශ්රී ලංකාවේ ඵලදායිතාව වැඩිදියුණු කිරීම සහ සියලුම ජාතික අභ්යවකාශ ක්රියාකාරකම් ජාත්යන්තර බැඳීම්, ගිවිසුම් හා ප්රමිතීන්ට අනුකුලව ක්රියාත්මක වන බවට සහතික කිරීමට හැකියාව ලැබෙනු තිබෙනවා.
ඒ අනුව, අභ්යවකාශ ජාතික ප්රතිපත්තිය සම්පාදනය කිරීම සඳහා විශේෂිත තාක්ෂණික දැනුම සහිතවිශේෂඥ කමිටුවක් පත් කිරීම පිණිස විද්යා හා තාක්ෂණ අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
