මිරිස්ස ධීවර වරායට ආසන්න මුහුද ප්‍රදේශයේ දී පසුගිය 05 වනදා නාවික හමුදාව විසින් සැකකටයුතු බහුදින ධීවර යාත්‍රාවක් පරීක්ෂා කිරීමේ දී එහි තිබී මත්ද්‍රව්‍ය තොගයක් සොයා ගැනීමට හැකි වුණා.
එහිදී සැකකරුවන් 06 දෙනෙකු එම මත්ද්‍රව්‍ය තොගය සමඟ අත්අඩංගුවට පත් වූ අතර, මෙහිදී හෙරොයින් කිලෝ 23යි ග්‍රෑම් 235ක් සොයාගැනීමට හැකි වූ බවයි පොලිසිය සඳහන් කළේ.
හෙරොයින් තොගය සමඟ අත්අඩංගුවට ගත් සැකකරුවන් පොලිස් මත්ද්‍රව්‍ය නාශක කාර්යාංශය වෙත භාරදීමෙන් පසු ඊයේ (06) කොළඹ ප්‍රධාන මහේස්ත්‍රාත්වරයා වෙත ඉදිරිපත් කෙරුණා.
එහිදී නියෝග කෙරුණේ විමර්ශන කටයුතු සඳහා දින 07ක් ඔවුන් රඳවා තබාගෙන ප්‍රශ්න කරන ලෙසටයි.
අත්අඩංගුවට ගත් සැකකරුවන් මිරිස්ස, කුඹුරුගමුව සහ පිටිගල යන ප්‍රදේශවල පදිංචි වයස අවුරුදු 33ත් 42ත් අතර වයස්වල පසුවන්නන් බවයි වාර්තා වන්නේ.
