එළඹෙන පාර්ලිමේන්තු මැතිවරණයට අදාළව මෙතෙක් ලැබී ඇති පැමිණිලි සම්බන්ධයෙන් මැතිවරණ කොමිෂන් සභාව නිවේදනයක් නිකුත් කර තිබෙනවා.
ඒ, අනුව ඊයේ (17) දිනය තුළ පමණක් මැතිවරණ පැමිණිලි 33ක් ලැබී ඇති බවයි එම කොමිෂන් සභාව සඳහන් කළේ.
එලෙස ලැබී ඇති පැමිණිලි සියල්ල මැතිවරණ නීති උල්ලංඝනය කිරීම් සම්බන්ධ පැමිණිලි බවයි වාර්තා වුණේ.
මේ අතර 2024-09-24 සිට 2024-10-17 දක්වා කාලය තුළ සමස්ත මැතිවරණ පැමිණිලි 290ක් ලැබී ඇති අතර, එම පැමිණලි සියල්ල මැතිවරණ නීති උල්ලංඝනය කිරීම් සම්බන්ධ පැමිණිලි බවයි එම කොම්ෂන් සභාව දැනුම් දෙන්නේ.
මේ අතර එලෙස ලැබී ඇති පැමිණිලිවලින් පැමිණිලි 211ක් විසඳීමට කටයුතු කර තිබෙනවා.
