මධ්‍යම පළාතේ පාසල් වාර විභාගත් කල් යයි

මධ්‍යම පළාතේ සියලුම පාසල්වල හෙට (15) දිනට යෙදී තිබූ 06 සහ 09 ශ්‍රේණි වාර විභාගය කල්දමා තිබෙනවා.

ඒ, අනුව එම වාර විභාගය මාර්තු 17 වනදා දක්වා මෙලෙස කල්දමා ඇති බවයි වාර්තා වුණේ.

එමෙන්ම 10 සහ 11 ශ්‍රේණි වාර විභාග මාර්තු 22 දිනටත් පවත්වන ලෙසට මධ්‍යම පළාත් අධ්‍යාපන අධ්‍යක්ෂවරයා බලධාරීන්ට උපදෙස් ලබා දී තිබෙනවා.

මේ අතර, බස්නාහිර පළාතේ සියලුම පාසල්වල හෙට (15) දිනයේ දී යෙදී තිබූ 09 ශ්‍රේණිය වාර විභාගය මාර්තු 21 වනදාටත්, 10 සහ 11 ශ්‍රේණි වාර විභාග මාර්තු 22 දිනටත් පවත්වන ලෙසට මීට පෙර උපදෙස් ලබා දුන්නා.