බංග්ලාදේශ ක්රිකට් ආයතනය විසින් තමන්ගේ ම රූපවාහිනී නාලිකාවක් දියත් කිරීමේ අදහසින් ව්යවස්ථාවට සංශෝධන දෙකක් සිදුකර ඇති බව වාර්තා වනවා.
ඩකාහි දී ඊයේ (31) පැවති වාර්ෂික මහා සභා රැස්වීමේ දී මෙම සංශෝධන් සිදුකර ඇති බවයි ක්රීඩා මාධ්ය වාර්තා කළේ.
රට තුළ ක්රියාත්මක වන සියලුම තරඟකාරී ක්රිකට් තරග සහ බංග්ලාදේශ ජාතික කණ්ඩායම සහභාගීවන සියලුම ජාත්යන්තර තරග එරට තුළ විකාශය කිරීම මෙහි අරමුණ වී තිබෙනවා.
බංග්ලාදේශ ක්රිකට් ආයතනයේ සභාපති නසමුල් හසන් සඳහන් කළේ මෙම රූපවාහිනී නාලිකාව ඔස්සේ දේශීය තරඟ සහ ඔවුන්ගේ විකාශන හවුල්කරුවන්ට පෙන්විය නොහැකි ජාත්යන්තර තරඟ පෙන්වනු ඇති බවයි.
“T-Sports සහ Gazi TV අපේ තරඟ බොහොමයක් පෙන්වනවා.ඔවුන්ට සමහර තරඟ පෙන්වන්න බැරි නම්, අපි එම තරඟ පෙන්වන්න ඕනේ, ඔවුන් පෙන්වන්නේ පිරිමි ටෙස්ට් තරගයයි, ඒ නිසා ඔවුන්ට කාන්තා තරග මාලාව පෙන්වන්න බැහැ.අපිට තරග දෙකම රූපවාහිනියෙන් පෙන්වන්න ඕන ඒ නිසා අපිට විකල්පයක් තියෙන්න ඕන.අපිත් කැමතියි දේශීය ක්රිකට් රූපවාහිනියෙන් පෙන්වන්න. ඒකෙන් රටේ ක්රිකට් ක්රීඩාවේ ප්රමිතිය ඉහළ යයි කියලා හැමෝම හිතනවා.දේශීය ක්රිකට්වල සහ විනිසුරුවන්ගේ ප්රමිතිය මිනිස්සුන්ට එතකොට බලාගන්න පුළුවන්.” යනුවෙන් බංග්ලාදේශ ක්රිකට් සභාපති වැඩිදුරටත් සඳහන් කර සිටියා.
