පොලිස් නිලධාරීන් බව පවසා මැණික් ගලක් කොල්ලකෑ පුද්ගලයෙකු පොලිස් අත්අඩංගුවට ගෙන තිබෙනවා.
පසුගිය 17 වනදා කටුගස්තොට වට්ටාරතැන්න පටුමගේදීයි පොලිස් නිලධාරීන් බව පවසා රුපියල් ලක්ෂ 12ක් පමණ වටිනා නිල් පැහැති මැණික් ගලක් කොල්ලකා තිබුණේ.
අදාළ සිද්ධිය සම්බන්ධයෙන් පොලිසියට ලැබුණු පැමිණිල්ලකට අනුව කළ විමර්ශනයේදී ඊට අදාළ සැකකරුවෙකු ඊයේ අත්අඩංගුවට ගෙන තිබෙනවා.
එම පුද්ගලයා බකමූණ ප්‍රදේශයේ පදිංචි 47 හැවිරිදි අයෙක්.
අදාළ මැණික් ගල ලබා ගැනීමේ අරමුණින් මෝටර් රථයකින් පැමිණි පුද්ගලයෙකු සහ අත්අඩංගුවට ගත් මෙම සැකකරු පැමිණිල්ල සිදු කර ඇති පුද්ගලයා සමග මැණික් ගල පරීක්ෂා කරමින් සිට තිබෙනවා.
එහිදී පොලිස් නිලධාරියෙකු ලෙසට පෙනී සිටිමින් යතුරුපැදියකින් පැමිණි තවත් පුද්ගලයෙකු මැණික් ගලේ හිමිකරු බියට පත් කර එය කොල්ලකා පළාගොස් ඇති බවටයි පොලිසිය සිදු කළ විමර්ශණයේදී අනාවරණ වී ඇත්තේ.
අනෙක් සැකකරුවන් අත්අඩංගුවට ගැනීම සඳහා පොලිස් පරීක්ෂණ ක්‍රියාත්මකයි.
