පුත්තලම කලපුවේ, බත්තලංගුණ්ඩුව දූපත අසල මුහුදේ සිදුකළ විශේෂ සෝදිසි මෙහෙයුමක දී මුහුදු ප්රදේශයේ ගිල්වා තිබූ රත්රං තොගයක් සොයා ගැනීමට නාවික හමුදාවට ඊයේ (08) හැකියාව ලැබී තිබෙනවා.
නාවික හමුදාව සඳහන් කළේ රත්රං කිලෝග්රෑම් 04කට අධික ප්රමාණයක් මෙලෙස සොයාගත් බවයි.
මීට සම්බන්ධ බවට සැකකෙරෙන පුද්ගලයන් දෙදෙනෙක් ඩිංගි යාත්රාවක් ද සමඟ නාවික හමුදාව අත්අඩංගුවට ගෙන තිබෙනවා.
මෙලෙස අත්අඩංගුවට ගැනුණු සැකකරුවන් වයස අවුරුදු 27 ක් සහ 35 ක් වන කල්පිටිය ප්රදේශයේ පදිංචිකරුවන් බවයි වාර්තා වුණේ.
ජාවාරම්කරුවන් විසින් නීති විරෝධී ලෙස මෙම රත්රං තොගය පසුව රැගෙන යාමේ අපේක්ෂාවෙන් මෙලෙස ගිල්වා තබන්නට ඇතැයි විශ්වාස කෙරෙනවා.
අත්අඩංගුවට ගැනුණු සැකකරුවන් ඉදිරි නීතිමය කටයුතු සඳහා කටුනායක රේගු නිවාරණ කාර්යාලය වෙත භාරදීමට කටයුතු කළ බවයි නාවික හමුදාව සඳහන් කළේ.
ඔබේ ප්රතිචාරය කුමක්ද ?
+1
1
+1
1
+1
5
+1
2
+1
+1
1
+1
1
