පාපැදි තරගයක් අතර තුර තරගකරුවෙක් තල්ලුකර බරපතළ තුවාල සිදුකිරීම සම්බන්ධයෙන් තවත් පාපැදි තරගකරුවෙක් අත්අඩංගුවට ගත් බව හිරණ පොලිසිය පවසනවා.
මෙලෙස අත්අඩංගුවට ගෙන ඇත්තේ යුද හමුදා පාපැදි කණ්ඩායමේ ක්රීඩකයෙක් බවයි පොලිසිය පැවසුවේ.
මෙම යුද හමුදා පාපැදි ක්රීඩකයා කොහුවල යුද හමුදා කඳවුරේ රාජකාරියේ නිරත සාමාන්ය සෙබළෙක් වන අතර, බරපතළ තුවාල ලබා ඇත්තේ එම යුද හමුදා කඳවුරේම සේවයේ නියතු කෝප්රල්වරයෙකු බවයි වාර්තා වන්නේ.
පසුගිය 23 වනදා හිරණ – තේක්කවත්ත බක්මහ උළෙලට සමගාමීව පැවති පාපැදි තරගයක් අතර තුර, තරගය අවසන් වීමට මීටර් 100ක් පමණ තිබිය දී තරගයේ යෙදී සිටි සාමාන්ය සෙබළා, කෝප්රල්වරයාව අතින් තල්ලු කර ඇති බවයි අනාවරණය වී ඇත්තේ.
එහිදී මාර්ගය ආසන්නයේ සිට තරගය නරඹමින් සිටි අවුරුදු 07ක කුඩා දරුවෙකුගේ ද ගැටී කෝප්රල්වරයා පාපැදිය ද සමඟ බිම ඇද වැටී ඇති තිබෙනවා.
මෙම අනතුරෙන් පසු බරපතළ තුවාල ලැබූ යුද හමුදා පාපැදි ක්රීඩකයා සහ දරුවා ප්රතිකාර සඳහා පානදුර මූලික රෝහලට ඇතුළත් කර ඇති අතර, අනතුරුව පාපැදි ක්රීඩකයා කොළඹ ජාතික රෝහලට මාරුකර යැවූ බවයි රෝහල් ප්රකාශකයෙක් සඳහන් කළේ.
අත්අඩංගුවට ගත් සිද්ධියට සම්බන්ධ සැකකාර යුද හමුදා සාමාන්ය සෙබළා පානදුර මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
