අසල්වැසි ඉන්දියාවේ ඇසෑම් ප්‍රාන්තයේ බාපේටා ප්‍රදේශයේ දී තරුණයෙකු විසින් 17 හැවිරිදි දැරියකට ඇසිඩ් ප්රහාරයක් එල්ල කර ඇති බව වාර්තා වනවා.
අදාළ දැරිය පසුගිය ඉරිදා සංස්කෘතික වැඩසටහනකට සහභාගී වී ආපසු නිවස බලා යමින් සිටියදී මෙලෙස ඇසිඩ් ප්‍රහාරයට ලක්ව ඇති බවයි වාර්තා වන්නේ.
මුලික විමර්ශන වලදී අනාවරණය වී ඇත්තේ අදාළ තරුණයා සමඟ පැවති ප්‍රේම සම්බන්ධතාව නතර කිරීමට 17 හැවිරිදි දැරිය තීරණය කර ඇති අතර, ඒ හේතුවෙන් උරණ වූ තරුණයා මෙලෙස ඇසිඩ් ප්‍රහාරය එල්ලකර ඇති බවයි.
මෙම ප්‍රහාරයෙන් දැරියගේ බෙල්ලට සහ උරහිස ප්‍රදේශයට තුවාල සිදුව ඇති අතර ඇය ප්‍රාදේශීය රෝහලක් වෙත ඇතුළත් කිරීමට කටයුතු කර ඇති බව ඉන්දීය පොලිසිය සඳහන් කළා.
ඇයගේ තත්ත්වය යහපත් අතට හැරීමෙන් පසුවන බවයි වැඩිදුරටත් තොරතුරු වාර්තා වන්නේ.
සිද්ධියට සම්බන්ධ සැකකාර මෙහර් අලි නැමැති 20 හැවිරිදි තරුණයා අත්අඩංගුවට ගෙන ඇති අතර, මේ සම්බන්ධයෙන් විමර්ශනයක් ආරම්භ කර ඇති බවයි පොලිසිය වැඩිදුරටත් පැවසුවේ.
