නොරෝච්චෝලෙට ගල් අඟුරු නැව් පෝලිමේ (ඡායාරූප)

නොරෝච්චෝල ලක්විජය ගල් අඟුරු බලාගාරයට අවශ්‍ය ගල් අඟුරු රැගත් නෞකා 23ක් පැමිණ ඇති බව බලාගාර කළමණාකාර නාලක විජේකෝන් පවසනවා.

එලෙස පැමිණි නෞකාවලින් 23 වන නෞකාවේ ගල් අඟුරු ගොඩබාමින් පවතින බවයි ඔහු වැඩිදුරටත් සඳහන් කළේ.

මේ වනවිට බලාගාරයේ විදුලි නිෂ්පාදනය සඳහා අවශ්‍ය ගල් අඟුරු සංචිත තුළ මෙට්ට්‍රික් ටොන් තුන් ලක්ෂ අසූදහසකට ආසන්න ගල් අගුරු තොගයක් ගබඩා වී ඇති බවයි තොරතුරු වාර්තා වුණේ.

නැව් වලින් ගොඩබානු ලබන ගල් අඟුරු බත්තල් මඟින් ලක්විජය බලාගාර භූමියට රැගෙන ඒම මේ වනවිට සිදුකරමින් පවතින බවයි තොරතුරු වාර්තා වන්නේ.