මේ වන විට විදේශගත ව සිටින දේවගැති ජෙරොම් ප්රනාන්දු මෙරටට පැමිණෙන අවස්ථාවේ ගුවන් තොටුපොළේ දී ඔහු අත්අඩංගුවට නොගන්නා ලෙස දන්වමින් අභියාචනාධිකරණය අද අපරාධ පරීක්ෂණ දෙපාර්තමේන්තුව වෙත නියෝගයක් නිකුත් කළා.
දිවයිනට පැමිණීමෙන් අනතුරුව දේවගැතිවරයා පැය 48 ක් තුළ අපරාධ පරීක්ෂණ දෙපාර්තමේන්තුවේ ඩිජිටල් වෝහාරික විමර්ශන අංශයේ පෙනී සිට ප්රකාශයක් ලබාදිය යුතු බවත් අධිකරණය කළ නියෝගයේ සඳහන්.
ඉන් අනතුරුව අදාළ දේවගැතිවරයාට එරෙහි ව සාමාන්ය පරිදි නීතිමය ක්රියා පටිපාටිය අනුගමනය කළ හැකි බවත් අභියාචනාධිකරණය විසින් පොලීසියට නියෝග කරනු ලැබුවා.
අපරාධ පරීක්ෂණ දෙපාර්තමේන්තුව විසින් තමන් ව අත්අඩංගුවට ගැනීම වැළැක්වීමේ නියෝගයක් නිකුත් කරනු ලබන ලෙස ඉල්ලා දේවගැති ජෙරොම් ප්රනාන්දු විසින් ඉදිරිපත් කළ පෙත්සමක අතුරු නියෝගයක් ලබා දෙමිනුයි අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ චමත් මොරායස් යන විනිසුරු මඬුල්ල විසින් මෙම තීන්දුවට දෙනු ලැබුවේ.
ඉකුත් අප්රේල් මස දේව මෙහෙයක දී දේවගැති ජෙරොම් ප්රනාන්දු විසින් සිදුකළ ප්රකාශයක් දැඩි ආන්දෝලනයකට තුඩු දුන් අතර ඒ තුළින් ඔහු බුදුදහම ඇතුළු අන්යාගම්වලට අපහාසයක් සිදු කර ඇති බවට චෝදනා කරමින් විවිධ පාර්ශ්ව මගින් අපරාධ පරීක්ෂණ දෙපාර්තමේන්තුව වෙත පැමිණිලි ඉදිරිපත් කර තිබුණා.
ඉන් අනතුරුව පෙත්සම්කාර දේවගැතිවරයාට එරෙහි ව අපරාධ පරීක්ෂණ දෙපාර්තමේන්තුව විසින් එක්සත් ජාතීන්ගේ සිවිල් හා දේශපාලන අයිතිවාසිකම් පිළිබඳ සම්මුති පනත සහ මුදල් විශුද්ධිකරණය වැළැක්වීමේ පනත යටතේ විමර්ශන ආරම්භ කළ අතර ඒ පිළිබඳ ව කොටුව මහේස්ත්රාත් අධිකරණයට කරුණු වාර්තා කර තිබුණා.
තමන්ට එරෙහි ව එක්සත් ජාතීන්ගේ සිවිල් හා දේශපාලන අයිතිවාසිකම් පිළිබඳ සම්මුති පනත යටතේ විමර්ශන සිදු කිරීමට අපරාධ පරීක්ෂණ දෙපාර්තමේන්තුව ගත් තීරණය නීතියට පටහැනි බවත් එබැවින් තමන්ව අත්අඩංගුවට ගැනීම වැළැක්වීමේ නියෝගයක් නිකුත් කරන ලෙස ඉල්ලමින් දේවගැතිවරයා සිය නීතිඥවරුන් මාර්ගයෙන් මෙම පෙත්සම ඉදිරිපත් කර තිබුණා.
I DONT WHY OUR PEOPLE ESPECIALLY SINHALA BUDDHIST COMMUNITY (I AM ALSO A SINHALA BUDDHIST BY BIRTH) TRY TO ENCIRCLE THIS PERSON. OUR SACRED LORD GAUTHAMA BUDDHA ALLOW ANYONE TO CRITICISE, DEBATE, DISCUSS ABOUT THE BUDDHISM. ALSO TOLD AS LORD BUDDHA REALISED, MEMORISED AND PREACHED BUDDHISM NOT BELONG TO LORD BUDDHA AND IT WAS THERE ALL THE TIMES AND LORD BUDDHA FOUND AND REALISED SAME. SO WHY OUR SINHALA PEOPLE TRYING TO HOLD THE OWNERSHIP OF BUDDHISM. LORD BUDDDHA TOLD ANY ONE CAN COME ANY ONE CAN QUESTION AND ONE CAN STAY AND ANY ONE CAN LEAVE. WHAT NONSENE THIS IS NOT BUDDHISM THIS IS EXTREAMISM OF OPPORTUNIST. MADNESS MEN. SHAME.