2026 වසර තුළ පමණක් ඊයේ (18) දිනය වන විට ඩෙංගු රෝගීන් 29,589ක් වාර්තා වී ඇති බවත්, ඒ අතරින් රෝගීන් 15 දෙනෙක් මරණයට පත්ව ඇති බව ජාතික ඩෙංගු මර්දන ඒකකයේ ප්රජා වෛද්ය විශේෂඥ ප්රශීලා සමරවීර පවසනවා.
ඒ අතරින් වැඩිම රොගීන් සංඛ්යාවක් බස්නාහිර පළාත තුළ දී හඳුනාගෙන ඇති බවයි වෛද්යවරිය වැඩිදුරටත් සඳහන් කළේ.
දිස්ත්රික්ක 25 පුරාවටම ඩෙංගු රෝගීන් වාර්තා වී ඇති අතර ඒ අතරින් කොළඹ, ගම්පහ, රත්නපුර, මාතර, ගාල්ල සහ මහනුවර යන දිස්ත්රික්කවලින් වැඩි වශයෙන් රෝගීන් වාර්තා වී ඇති බවයි ඇය සඳහන් කළේ.
මේ දිනවල දී කඩින් කඩ ඇදහැලෙන වර්ෂාවත් සමඟ ඩෙංගු රෝගීන් බෝවිය හැකි ස්ථාන වැඩිවීමේ ප්රවණතාවයක් පවතින බවට පෙන්වා දුන් වෛද්ය විශේෂඥ ප්රශීලා සමරවීර කියා සිටියේ තම නිවෙස් අවට ඩෙංගු මදුරුවන් බෝවිය හැකි ස්ථාන පවතී නම් එම ස්ථාන විනාශ කරන ලෙසයි.
එමෙන්ම යම්කිසි අයෙක්ට දින දෙකකට අධිකව උණ රෝගය, මස්පිඩු වේදනාව, හිසරදය, වමනය ඔක්කාරය වැනි රෝග ලක්ෂන පවතී නම් සුදුසුකම් ලත් වෛද්යවරයෙක් හමුවී අදාළ පර්යේෂණයන් සිදුකර ගැනීම වැදගත් බවයි වෛද්ය සඳහන් කළේ.
