තෙල් දෙන ක්‍රමය සකසද්දී රට පුරා ඉන්ධන පිරවුම්හල් වැසෙයි.. සේවකයන් ගෙදර යයි

මෙරට පිහිටි සිපෙට්කෝ සහ අයිඕසී ඉන්ධන පිරවුම්හල් රාශියක් අද දිනයේ ද වසා දමා තිබෙනවා.

අලෙවි කිරීම සඳහා ඉන්ධන තොග නොලැබීම මෙයට ප්‍රධාන හේතුව වි ඇති අතර බොහෝ පිරවුම්හල්වල සේවකයන් නිවෙස් බලා ගොස් තිබේ.පිරවුම්හල් වසා දමා ඇතත් ජනතාව ඉතා දීර්ඝ පෝලිම් වල ඉන්ධන ලබා ගැනීම සඳහා රැඳී සිටිති. ඔවුන් සඳහන් කරන්නේ තම වාහන නිවෙස් කරා ගෙන යාමට හෝ ඉන්ධන නොමැති බවයි.එනිසා ඉන්ධන පැමිණෙන තුරු වාහන පෝලිමේ රදවා තැබීමට සිදුව ඇතැයි ඔවුන් කියා සිටිති.

කෙසේ වෙතත් අද සිට ඉන්ධන ලබාදීම ටෝකන් ක්‍රමයට ලබා දෙන බවයි කංචන විජේකර සදහන් කළ අතර බලශක්ති අමාත්‍යවරයා සඳහන් කර ඇත්තේ නැවත ඉන්ධන නෞකාවක් මෙරටට පැමිණෙන දිනයක් ගැන නිශ්චිතව කිව නොහැකි බවයි.

කෙසේ නමුත් පැමිණෙන ඉන්ධන නෞකාවේ ප්‍රමුඛතාවය විදුලිය, කර්මාන්ත, සෞක්‍ය ඇතුළු අත්‍යවශ්‍ය සේවාවන් ලබා දෙන බවද ඔහු සඳහන් කර ඇත.