අලෙවිය සඳහා මාර්ගය අයිනේ තබා තිබූ වාහන ආවරණයක් (ටෙන්ට් රෙද්දක්) එක් වරම සුළඟට ගසාගෙන විත් මාර්ගයේ ගමන් කරමින් තිබූ යතුරුපැදියක දැවටීමෙන් එහි ගමන් කළ පොලිස් නිලධාරීන් දෙදෙනෙකු තුවාල ලබා රෝහල් ගතකර තිබෙනවා.
මාරවිල පොලීසියේ රථ වාහන අංශයට අනියුක්තව සේවය කරන අදාළ පොලිස් නිලධාරීන් දෙදෙනා මාරවිල මූලික රෝහලට ඇතුළත් කර ඇති බවයි වාර්තා වන්නේ.
ඊයේ (27) පස්වරුවේ හලාවත – කොළඹ ප්රධාන මාර්ගයේ මාරවිල, ලංසිගම ප්රදේශයේ දී මෙම අනතුර සිදුව ඇති බවයි අප වාර්තාකරු සඳහන් කළේ.
මෙම නිලධාරීන් දෙදෙනා මාරවිල පොලිස් බල ප්රදේශයේ රථ වාහන රාජකාරියේ නිරතව සිට ඇති අතර, ඔවුන් දෙදෙනා යතුරුපැදියකින් ගමන් කරමින් සිටිය දී එක් වරම සුළඟේ ගසා ගෙන ආ වාහන ආවරණය ඔවුන්ගේ සිරුරේ දැවටී ඇති බවයි අනාවරණය වී ඇත්තේ.
ඒ, සමඟ ධාවනය වෙමින් තිබූ යතුරුපැදිය පෙරළී ගොස් මෙම අනතුර සිදුව තිබෙනවා.
ප්රතිකාර සඳහා රෝහල් ගතකළ පොලිස් නිලධාරීන් දෙදෙනාගෙන් එක් අයෙකුගේ තත්ත්වය බරපතල බවයි රෝහල් ආරංචි මාර්ග සදහන් කළේ.
මාරවිල පොලීසිය මෙම සිද්ධිය සම්බන්ධයෙන් වැඩිදුර විමර්ශණ කටයුතු සිදුකරනවා.
