ජාතික ඉන්ධන බලපත්‍රය සඳහා ලියාපදිංචි වූ සංඛ්‍යාව මිලියනය පනී

ජාතික ඉන්ධන බලපත්‍රය සඳහා ලියාපදිංචි වූ සංඛ්‍යාව මේ වනවිට මිලියනය ඉක්මවා ඇති බව බලශක්ති අමාත්‍යාංශය කංචන විජේසේකර පවසනවා.

රථවාහන හිමියන්ට සඳහා ජාතික ඉන්ධන බලපත්‍රය සඳහා ලියාපදිංචියට අවස්ථාව ලබාදීම පසුගිය 16 වනදා සිට ආරම්භ කළා.

ඒ, අනුව අදාළ ජාතික ඉන්ධන බලපත්‍රය හිමි රථවාහන හිමියන් වෙත කෝටාවක් සහිතව සතිපතා ඉන්ධන නිකුත් කිරීමට කටයුතු සූදානම් කර තිබෙනවා.

fuelpass.gov.lk ටන වෙබ් අඩවිය ඔස්සේ ඒ සඳහා ලියාපදිංචි විය හැකියි.

මේ අතර ඉන්ධන බෙදාහැරීම සිදුවන්නේ Ceypetco ඉන්ධන පිරවුම්හල් අසල ඇති වාහන පෝලිම් ඉවත් කිරීමෙන් පසුව බව අමාත්‍යවරයා වැඩිදුරටත් සඳහන් කළේ ට්විටර් පණිවුඩයක් නිකුත් කරමින්.

එමෙන්ම ත්‍රිකුණාමලය ඉන්ධන බෙදා හැරීමේ පර්යන්තයෙන් බවුසර 125ක් මඟින් පෙට්‍රල් ලීටර් මිලියන දෙකක් අද (18) දිනයේ දී බෙදාහරින බව ලංකා අයි.ඕ.සී සමාගම සඳහන් කළා.