ජම්මු – කාශ්මීර ත්රස්ත ප්රහාරයට ප්රතිචාර දැක්වීම සඳහා ඉන්දීය අගමැති නරේන්ද්ර මෝදි සිය හමුදාවට පූර්ණ මෙහෙයුම් නිදහස ලබා දී තිබෙනවා.
NDTV පුවත් වෙබ් අඩවිය වාර්තා කළේ, ජාතික ආරක්ෂාව පිළිබඳ රජයේ ඉහළම තීරණ ගැනීමේ ආයතනය වන අගමැති ප්රමුඛ ආරක්ෂක කැබිනට් කමිටුව දින හතකින් දෙවන වරටත් රැස්වීමට දිනකට පෙර මෙම රැස්වීම පවත්වා අදාළ තීරණය ගෙන ඇති බවයි වාර්තා වන්නේ.
පහල්ගම් ත්රස්ත ප්රහාරයට ඉන්දියාවේ හමුදා ප්රතිචාරයේ ආකාරය, ඉලක්ක සහ වේලාව තීරණය කිරීමට අගමැති නරේන්ද්ර මෝදි සන්නද්ධ හමුදාවන්ට “පූර්ණ නිදහස” ලබා දී ඇති බව ආරංචි මාර්ග වාර්තා කරනවා.
අගමැති ආරක්ෂක අමාත්ය රාජ්නාත් සිං, ජාතික ආරක්ෂක උපදේශක අජිත් ඩෝවාල් සහ ආරක්ෂක මාණ්ඩලික ප්රධානී ජෙනරාල් අනිල් චෞහාන් හමු වූ අවස්ථාවේදී මෙම තීරණය ගෙන ඇති බවයි පැවසෙන්නේ.
ආරංචි මාර්ග පැවසුවේ, ත්රස්තවාදයට දරුණු පහරක් එල්ල කිරීම අපගේ ජාතික අධිෂ්ඨානය බවත්, ඉන්දීය හමුදාව කෙරෙහි තමාට “සම්පූර්ණ විශ්වාසයක් ඇති බවට ඉන්දීය අගමැති නරේන්ද්ර මෝදි සඳහන් කළ බවයි.
2019 පෙබරවාරි මාසයේ පුල්වාමා ප්රහාරයෙන් පසු එවැනි නරකම සිදුවීමක දී, බොහෝ දුරට සිවිල් වැසියන්, 26 දෙනෙකු ඝාතනය කළ ත්රස්තවාදීන්ට එරෙහිව හමුදා ක්රියාමාර්ගයක් ගන්නා බව අගමැතිගේ පණිවිඩයේ සඳහන් බව ආරංචි මාර්ග පැහැදිලි කළා.
මේ අතර, ආරක්ෂක ආයතන ද පවසා ඇත්තේ පවතින සාක්ෂි නැවතත් පකිස්ථානය දෙසට යොමු වී ඇති බවයි.
ඇමරිකා එක්සත් ජනපදය, රුසියාව, චීනය, ජපානය සහ සමහර යුරෝපීය රටවල රාජ්ය තාන්ත්රිකයින්ට මෙම තොරතුරු පිළිබඳව දැනුවත් කර ඇති බව ද ඉන්දීය පුවත් සේවා වාර්තා කරනවා.
