කොමියුනිස්ට් පක්ෂයේ ආරාධනයක් මත චීනයේ සංචාරයක නිරත ජනතා විමුක්ති පෙරමුණේ ප්රධාන ලේකම් ටිල්වින් සිල්වා ඇතුළු පිරිස, චීන කොමියුනිස්ට් පක්ෂයේ ගුයිජෝ ප්රාන්ත කමිටුවේ ප්රධාන ලේකම් ක්ෂියු ලින් හමු වී සකච්ඡා පවත්වා තිබෙනවා.
පසුගිය 12 වනදා මෙම හමුව සිදුවූ අතර, එහිදී ප්රධාන ලේකම් ක්ෂියු ලින් විසින් ඉතා උණුසුම් ලෙස ටිල්වින් සිල්වා මහතා ඇතුළු පිරිස පිළිගනු ලැබුවා.
ගුයිජෝ ප්රාන්තයේ පිහිටි ජාත්යන්තර සම්මන්ත්රණ ශාලාවෙිදී මෙම සාකච්ඡා පැවැත් වුණා.
මෙම හමුවේදී ජනතා විමුක්ති පෙරමුණ ප්රමුඛ ජාතික ජනබලවේගය ලද ජයග්රහණය වෙනුවෙන් සුභ පැතුම් එක්ක කළ චීන කොමියුනිස්ට් පක්ෂයේ ගුයිජෝ ප්රාන්ත කමිටුවේ ප්රධාන ලේකම් ක්ෂියු ලින්, මෙම හමුව තුළින් ජනතා විමුක්ති පෙරමුණත් චීන කොමියුනිස්ට් පක්ෂයත් අතර පවතින දීර්ඝ කාලීන මිත්රත්වය තව දුරටත් ශක්තිමත් වන බව සඳහන් කළා.
එමෙන්ම මෙම සංචාරයේදී අත්දැකිම් විශාල ප්රමාණයක් එක්කර ගැනිමට හැකි වනු ඇතැයි තමන් අපේක්ෂා කරන බවත් ඒහිදී ඔහු සඳහන් කර සිටියා.
චීන කොමියුනිස්ට් පක්ෂය විසින් අද වනවිට චීනය ලොව දැවැන්තම ආර්ථිකයක් හිමි රටක් බවට ඔසවා තබා ඇති බවත්, එය චීන ජනතාව ලද ජයග්රාණයක් බවත්, ඒ් වෙනුවෙන් ෂී ජින් පින් ජනධිපතිවරයා ඇතුළු නායකයින් විශාල කාර්ය භාර්යයක් ඉටු කොට ඇති බවත් මෙහිදී ජනතා විමුක්ති පෙරමුණේ ප්රධාන ලේකම් ටිල්වින් සිල්වා අවධාරණය කළා.
