දූෂණ චෝදනා එල්ල වී සිටින පාර්ලිමේන්තු මන්ත්රී චාමර සම්පත් දසනායකට එරෙහිව පනවා තිබූ විදේශ ගමන් තහනම තාවකාලිකව ලිහිල් කිරීමට කොළඹ මහාධිකරණය නියම කර තිබෙනවා.
මෙම නඩුව මෝසම් මාර්ගයෙන් අද (18) කැඳවූ අවස්ථාවේ දී විත්තිකාර චාමර සම්පත් දසනායක අධිකරණය හමුවේ පෙනී සිටියා.
එහිදී විත්තිකරුට විදේශ සංචාරයක නිරත වීමට අවශ්ය වී තිබෙන බැවින් ඔහුට පනවා තිබෙන විදේශ ගමන් තහනම තාවකාලිකව ලිහිල් කරන ලෙස විත්තිය වෙනුවෙන් පෙනී සිටි නීතිඥවරයා අධිකරණයෙන් ඉල්ලා සිටියා.
එහිදී ඉදිරිපත් වූ කරුණු සලකා බැලූ අධිකරණය අදාළ විදේශ ගමන් තහනම තාවකාලිකව ලිහිල් කිරීමට නියෝග කළේ.
ඌව පළාතේ ප්රධාන අමාත්යවරයා වශයෙන් කටයුතු කළ අවධියේ එම පළාත් සභාව සඳහා රේඛනය කළ චෙක්පතක් සිය පුද්ගලික ගිණුමකට තැන්පත් කර ගැනීම තුළින් දූෂණය නැමැති වරද සිදුකළ බවට චෝදනා කරමින් පාර්ලිමේන්තු මන්ත්රී චාමර සම්පත් දසනායක එරෙහිව මෙම නඩුව ගොනු කර තිබෙනවා.
