කුෂ් මත්ද්රව්ය තොගයක් කටුනායක ගුවන් තොටුපොළ තුළ දමාගොස් තිබිය දී ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් පිරිසක් විසින් අද (15) අලුයම සොයාගෙන තිබෙනවා.
ගුවන් තොටුපොළ ගමන් මලු පථ අංක 06 අසළ දමාගොස් තිබූ ගමන් මලු දෙකක් තුළ තිබිය දී මෙම කුෂ් මත්ද්රව්ය තොගය සොයාගැනීමට හැකිව තිබෙනවා.
රුපියල් කෝටි තිස්දෙකක් වටිනා කුෂ් මත්ද්රව්ය තොගයක් මෙලෙස සොයාගෙන ඇති අතර, මේවා ගමන් මලු දෙකක් තුළ සුළං නොවදින ලෙස පැකැට් 60ක් තුළ අසුරා සකස් කර මෙරටට රැගෙනවිත් තිබෙනවා.
මෙම මත්ද්රව්ය තොගය ඊයේ (14) දිනයේ තායිලන්තයේ බැංකොක් නුවර සිට කටුනායක ගුවන් තොටුපොළ වෙත පැමිණි ශ්රී ලන්කන් ගුවන් සේවයේ යූ.එල්.- 405 දරන ගුවන් යානයෙන් පැමිණි ගුවන් මගියෙකු විසින් රැගෙන විත් තිබූ බවටයි සිදුකරන ලද විමර්ශනවල දී අනාවරණය වී ඇත්තේ.
කෙසේ වෙතත් මේ පිළිබදව කටුනායක ගුවන් තොටුපොළ ආරක්ෂක කැමරා පද්ධතිය නිරීක්ෂණය කරමින් සහ ශ්රී ලන්කන් ගුවන් සේවය සහය කර ගනමින් පොලිස් මත්ද්රව්ය කාර්යාංශයේ නිලධාරීන් එම සැකකාර පුද්ගලයා සම්බන්ධයෙන් තොරතුරු
අනාවරණය කර ගැනීම සදහා විමර්ශන අරඹා ඇති බවයි වාර්තා වන්නේ.
මෙලෙස සොයාගත් කුෂ් මත්ද්රව්ය තොගය අද (15) දින මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
