කොළඹ කොටස් වෙළෙඳපොළෙහි සියලු කොටස් මිල දර්ශකය අද දිනය නිමාවන විට ඒකක 9000 ඉක්මවා ගොස් තිබෙනවා.
අද දිනය තුළදී සියලු කොටස් මිල දර්ශකය ඒකක 72.37කින් ඉහළගොස් දිනය නිමාවනවිට දැක්වුණේ 9022.38ක් ලෙසටයි.
මෙය 2022 වසරේ ඔක්තෝබර් 14 වනදාට පසුව සියලු කොටස් මිල දර්ශකය ඒකක 9000 ඉක්මවූ පළමු අවස්ථාව ලෙසටයි සටහන් වන්නේ.
මේ අතර හෙට දිනයේ කොළඹ කොටස් වෙළඳපොල ගනුදෙනු සිදු කරන කාලය සීමා කර තිබෙනවා. ඒ අනිද්දා පැවැත්වෙන නිදහස් දිනය හේතුවෙන්.
මේ අනුව හෙට උදෑසන 10 සිට දහවල් 12 දක්වා කොළඹ කොටස් වෙළඳපොල විවෘතව තැබෙනු ඇති.
